جیکب آباد میں ڈاکوؤں نے 19 روز قبل اغوا کیے گئے زمیندار سے ایک کروڑ روپے اور قیمتی اشیاء کا مطالبہ کردیا ہے۔

زمیندار بہرام کھوسو کو ٹھل سے اغوا کیا گیا تھا۔ ڈاکوؤں نے مغوی زمیندار کی ویڈیو بھی وائرل کردی ہے۔

ویڈیو میں دیکھا جاسکتا ہے کہ زنجیروں میں جکڑا زمیندار اپنے اہل خانہ کو پیغام دے رہا ہے۔

مغوی نے کہا کہ ڈاکو 1 کروڑ روپے، 2 راڈو گھڑیاں اور آئی فون کا مطالبہ کررہے ہیں۔

بہرام کھوسو نے مزید کہا کہ میری زمین فروخت کرکے مجھے بازیاب کرایا جائے۔