تفصیلات کے مطابق بھارتی خفیہ ایجنسی را کے ایجنٹ کل بھوشن یادیو کے اہم انکشافات پرسندھ حکومت نے اداروں کوچوکنا اور بھارتی شہریوں کے لیے قوانین سخت کرنے کا فیصلہ کردیا ہے۔

صوبہ سندھ میں آنے والے بھارتی باشندوں کی تمام سفری دستاویزات کا ریکارڈ کمپیوٹرائزڈ کیا جائے گا جبکہ وزٹ ویزے پرآنے والے بھارتیوں کے ویزے میں توسیع کی پالیسی پربھی نظرثانی ہوگی۔

محکمہ داخلہ سندھ نے بھارت سمیت دیگرغیرملکیوں کی صوبہ سندھ میں آمدورفت کے کمپیوٹرائزڈ ڈیٹا کووفاقی وزارت داخلہ سے منسلک کرنے کا بھی فیصلہ کیا ہے،پولیس رپورٹ سے مستثنیٰ بھارتی شہریوں کوسندھ میں آمدورفت کے دوران مقامی پولیس اسٹیشن میں انٹری کرانا لازمی ہوگی ۔