وزیر اعظم نے کہا کہ میرے پاس روز روز الزامات کا جواب دینے کے لیے وقت نہیں ہے۔کچھ لوگ اپنے سیاسی مقاصد کے لیے میرے خاندان کو نشانہ بنا رہے ہیں۔کرپشن کرنے والے اپنے نام پر اثاثے نہیں رکھتے۔میرے خاندان نے قرضوں کی ایک ایک پائی ادا کی۔

وزیر اعظم کا کہنا تھا کہ ہم نے سود کا کبھی ایک پیسہ بھی معاف نہیں کرایا۔ہم نے تو وہ بھی قرض اتارے ہیں جو ہم پر واجب ہی نہیں تھے۔ہم کبھی کسی بینک سے ایک پائی کے بھی ڈیفالٹ نہیں ہوئے۔

واضح رہے گزشتہ دنوں پانامہ لیکس کے انکشافات میںوزیر اعظم کے اہلخانہ کا نام آنے پر اپوزیشن جماعتوں کی تنقید کا نشانہ بنے ہوئے تھے۔