پرتیوشا کے مداحوں کی ان سے محبت کا اندازہ اس بات سے لگایا جا سکتا ہے کہ ریاست رائے پور کی رہنے والی چھبیس سالہ مدھو نے پرتیوشا کی خودکشی کی خبر سننے کے بعد خود بھی خود کشی کرلی۔

مدھو کے شوہر کا اس بارے میں کہنا ہے کہ پرتیوشا کی موت کی خبر سن کر میری بیوی سخت پریشانی کا شکار تھی وہ ان کی موت کو قبول نہیں کر سکی،اور ہمارے دو سالہ بیٹے کے سامنے پنکھے سے لٹک کر اپنی زندگی کا خاتمہ کرلیا۔

ان کا مزید کہنا تھا کہ ہماری پسند کی شادی تھی اور میں اپنی بیوی سے بہت محبت کرتاتھا ،مجھے معلوم نہیں تھا کہ مدھوکی پرتیوشا سے غیر معمولی محبت بالآخر یہ رنگ لائے گی میں ابھی تک صدمے میں ہوں اور اپنی بیوی کی موت قبول نہیں کر پارہا ہوں۔

واضح رہے کہ پرتیوشانے رواں ماہ یکم اپریل کو خودکشی کے ذریعے اپنی زندگی کا خاتمہ کرلیا تھا ،ان کی فیملی اور قریبی دوستوں کے بیان کے مطابق وہ اپنے بوائے فرینڈ مکراند ملہوترا کے ساتھ خراب تعلقات کی بناءپر سخت پریشانی کا شکار تھیں۔