اجلاس میں پی آئی اے کی موجودہ حالت اوربہتری کے اقدامات پروزیراعظم کوبریف کیا گیا، وزیراعظم کو بتایا گیا کہ پی آئی اے کے بورڈ آف ڈائریکٹرنے ادارے کا نیالین منصوبہ منظورکرلیا ہے۔سینٹرل ریزرویشن سینٹرکراچی سے اسلام آباد شفٹ کردیاگیاہے۔

بریفنگ کے دوران وزیر اعظم کوبتایا گیا کہ پی آئی اے کا ڈومیسٹک مارکیٹ شیئرسینتالیس فیصدسے اٹھاون پرآگیا ہے جبکہ پی آئی اے کا عالمی مارکیٹ شیئرچوبیس فیصد سے بڑھ کرستائیس فیصد ہوگیا ہے وزیراعظم نے ہدایت کی کہ پی آئی اے کوعوام کی سہولت کیلئے بہترایئرلائن بنایا جائے۔