پریس کانفرنس کرتے ہوئے ایم کیوایم رابطہ کمیٹی کے کنوینئر ندیم نصرت نے کہا کہ ایم کیو ایم کے خلاف پراپیگنڈا حقائق کو مسخ کرنے کی کوشش ہے۔ندیم نصرت نے کہا کہ ایم کیوایم کو منظم سازش کے تحت دبایا جارہا ہے، خدارا آرمی چیف یہ سلسلہ بند کرائیں۔

ایم کیوایم رابطہ کمیٹی کے کنوینئر نے پاک سرزمین پارٹی کو بھی شدید تنقید کا نشانہ بنایا۔ ندیم نصرت نے کہا کے لوگوں کو سب نظر آرہا ہے کہ کس کے اشارے پر کیا ہورہا ہے۔سب کو معلوم ہے کہ چائنا کٹنگ میں کون ملوث تھا۔ان کا کہنا تھا کہ ہم اپنی آخری سانس تک لڑیں گے، کسی کے سرٹیفکٹ پر اپنے آپ کو غدار نہیں سمجھیں گے۔