سپریم کورٹ نے ماڈل ایان علی کو توہین عدالت کی درخواست پر سندھ ہائیکورٹ سے رجوع کرنے اور عدالت عالیہ کو درخواست جلد نمٹانے کی ہدایت کردی۔

سپریم کورٹ میں جسٹس اعجازافضل کی سربراہی میں دورکنی بنچ نے ماڈل ایان علی کی جانب سے دائرتوہین عدالت کی درخواستوں پرسماعت کی۔بیرسٹر لطیف کھوسہ نے دلائل دیئے کہ ایان علی کے معاملے میں مسلسل عدالتی احکامات کی خلاف ورزی کی جا رہی ہے،نام نکالنا اورپھرڈالنا عدالت سے دھوکہ دہی ہے۔

جسٹس اعجازافضل نے کہا کہ جس عدالت کے فیصلے کی توہین ہوئی کیس وہاں دائرکرنا چاہیے،ایان علی کا نام ای سی ایل سے نکالنے کا حکم سندھ یائیکورٹ نے دیا،اگر ہائیکورٹ کے فیصلے سے مطمئن نہ ہوئے تو سپریم کورٹ آسکتے ہیں۔لطیف کھوسہ نے استدعا کی کہ میری موکلہ کو دو بارایئر پورٹ سے واپس بھیجا گیا۔

عدالت نے فیصلہ دیا کہ درخواست گزارسندھ ہائیکورٹ سے رجوع کرے،سپریم کورٹ نے سندھ ہائیکورٹ کو درخواست پرسماعت جلد مکمل کرنے کی ہدایت کی۔