رات کو کسی تقریب میں شرکت یا پھرسیر  کے بعد کچھ خواتین اپنا میک اپ اتارے بغیر ہی بستر پر دراز ہوجاتی ہیں لیکن اب سائنسدانوں نے خبردار کیا ہے کہ اس طرح کرنے سے ان کی چہرے کی جلد کو زبردست نقصان پہنچ سکتا ہے۔

جِلدکی ماہر ڈاکٹر نتا لی بلیکلی نے میک اپ لگا کر سونے کے حوالے سے اہم نکات بتائے جو درج ذیل ہیں

کیل مہاسے

اس عادت کی وجہ سے چہرے پر کیل مہاسے اور چھائیاں بنتی ہیں۔

جِلدی بڑھاپا

اس کی وجہ سے خواتین کی جلد تیزی سے بوڑھی ہوتی ہے اور خواتین عمر سے پہلے ہی بوڑھی نظر آنے لگتی ہیں۔

مساموں کی بندش
رات کے وقت ہماری جلد کے خلیوں میں شکست و ریخت کاکام ہوتا ہے اور جلد کے نئے خلیے بنتے اور پرانے ختم ہوتے ہیں لیکن جلد پر فاؤنڈیشن کو چھوڑ دینے سے جلد کے مسام بند رہنے لگتے ہیں جس کی وجہ سے یہ عمل رُک جاتا ہے اور ۔جلد روکھی اور بے جان ہوجاتی ہے.

بشکریہ ڈیلی میل