سفید نشانات کا ناخنوں پر موجود ہونا کس بات کی علامت کو ظاہر کرتا ہےیا یہ نشانات کن وجوہات کی بناء پر وجود میں آتے ہیں، وہ درج ذیل ہے۔

٭ناخن کی چوٹ

ناخنوں پر سفید نشانات لائنز یا دھبوں کی شکل میں رونما ہوتے ہیں۔اس طرح کی شکل میں نشانات کا ظاہر ہونا یہ بتاتا ہے کہ ناخن پر چوٹ لگی ہے، جس کی وجہ سے یہ نشان پڑ جاتے ہیں۔

مثال کے طور پر ناخن کادروازے پر آجانے کی وجہ سے سفید داغ پڑ جاتا ہے، لیکن وقت کے ساتھ ساتھ یہ نشانات ٹھیک ہوجاتے ہیں۔اس کے علاوہ زیادہ مینی کیورکروانے سے بھی آپ کے ناخنوں پر سفید داغ  آجاتے ہیں۔

٭ الرجی کا ردعمل

اکثر اوقات یہ نشانات کسی نیل پالش کے ردعمل کے باعث بھی ہوجاتے ہیں یا پھر نیل پالش صاف کرنے والے تھنر سے بھی یہ داغ ناخنوں پر آجاتے ہیں۔ عین ممکن ہے کہ نیل پالش یا نیل پالش صاف کرنے والے تھنر سے الرجی کی وجہ سے یہ نشانات پڑ جاتے ہیں۔

٭زنک کی کمی

زنک انسانی جسم میں موجود ہوتا ہے، لیکن اگر جسم میں اس کی کمی واقع ہوجائے تو ناخنوں پر سفید داغ آنے شروع ہوجاتے ہیں۔ اگر کھانے میں لوبیا،دہی ، بیف، پالک اور ڈرائی فروٹس شامل کیے جائیں تو زنک کی کمی پوری ہوجاتی ہے۔

٭ پروٹین کی کمی

سفید نشانات کا ناخنوں پر آنا پروٹین کی کمی کو بی ظاہر کرتا ہے۔ناخنوں پرافقی لائنز کا نمودار ہونا پروٹین کی کمی کو ظاہر کرتا ہے، جب انسانی جسم میں پرٹین لیول ٹھیک ہوجاتا ہے تو یہ افقی لائنز ختم ہوجاتی ہیں۔ پروٹین کی کمی کو دور کرنے کے لیے مچھلی، لوبیا، دہی کا استعمال کرنا چاہیئے۔

٭ کیلشیم کی کمی

زیادہ تر ناخنوں پر سفید نشانات کیلشیم کی کمی کے باعث ہوتے ہیں۔انسانی جسم میں کیلشیم کی کمی کو پورا کرنے کے لیے نارنجی کا جوس بہترین ہے۔ اس کے علاوہ دودھ اور دہی بھی جسم میں کیلشم کی کمی کو پورا کرتے ہیں۔

نوٹ: یہ مضمون محض عام معلومات کے لیے ہے۔