مشہور اداکار وں کے بگڑے ہوئے مزاحیہ نام
ہر انسان کا ایک نام ہوتا ہے جو اس کی شخصیت کی پہچان ہوتا ہے،نام ہماری زندگی کا وہ حصہ ہوتا ہے جس کے بناء جینے کا تصور بھی نہیں کیا جاسکتا۔ تاہم کبھی کبھی کچھ لوگ خوبصورت ناموں کو بگاڑ کر مزاحیہ بنادیتے ہیں ،اس حرکت سے کچھ لوگ ناراض ہوتے ہیں اورکچھ خوش ہوتے ہیں۔ مشہور اداکار بھی نجی زندگی میں بالکل عام انسان کی طرح ہوتے ہیں ،عام لوگوں کی طرح ہنستے،روتے اور خوش ہوتے ہیں ،ان کا بھی مذاق اڑایا جاتا ہے۔ بھارت کے مشہور اداکاروں کا کہنا ہے کہ بچپن میں ان کے نام بھی بگاڑے جاتے تھے ،آج ہم آپ کیلئے آپ کے پسندیدہ اداکاروں کے بگڑے ہوئے نام لے کر آئے ہیں یقیناً آپ کو بھی پڑھ کر مزہ آئے گا۔ شردھا کپور شردھا کپور کے دوست ورون دھون بچپن میں انہیں 'چیر کوٹ' کے نام سے بلاتے تھے۔ ہرتیک روشن ہرتیک کی دادی انہیں بچپن میں 'ڈگو' بلاتی تھیں۔ پریانکا چوپڑا پریانکا کو ابتداء میں 'پی چی' کے نام سے بلایا جاتا تھا ،تاہم انہیں 'می می' کےنام سے بھی پکارا جاتا ہے۔ رنبیرکپور رنبیر کپور کی والدہ نیتو سنگھ انہیں'ریمنڈ' کے نام سے بلاتی تھیں ،ان کا کہنا تھا کہ میرا بیٹا جینٹل مین ہے لہٰذا اس پر یہ ہی نام اچھا لگتا ہے۔ سونم کپور ان کا نام سن کر آپ اپنی ہنسی روک نہیں پائیں گے،سونم کا کہنا ہے بچپن میں میرے والد مجھے 'جراف' بلاتے تھے۔ عالیہ بھٹ عالیہ کے ایک نہیں کئی سارے مزاحیہ نام تھے اور انہوں نے بتانے میں کبھی جھجھک محسوس نہیں کی۔ عالیہ بچپن میں کافی موٹی تھیں اسی حساب سے ان کی والدہ انہیں 'آلو کچالو'کہتی تھی،جبکہ بہت سے لوگ'بٹاٹا وڑا'،'آلو بالو'اور'آلو کالو' کہتے تھے۔ بپاشا باسو بپاشا بچپن میں کافی صحت مند تھیں لہٰذا انہیں'بونی'کہہ کر پکارا جاتا تھا۔ گووندا گووندا کو 'چی چی' کے نام سے بھی بلایا جاتا ہے،انہیں یہ نام پسند نہیں ہے لیکن سننے میں کافی اچھا لگتا ہے۔ کرینہ کپور کرینہ کی عرفیت سے تو سب ہی واقف ہوں گے،انہیں بچپن سے 'بے بو'بلایا جاتا ہے۔ کرشمہ کپور کرشمہ کا نام بھی بچپن میں بگاڑ دیا گیا تھا،وہ'لولو' کے نام سے مشہور تھیں۔ بشکریہ :فلمی بیٹ
