گزشتہ روز سلمان کی جانب سے دئے گئے بیان کہ اپنی فلم سلطان کی شوٹنگ کے بعد ان کاحال 'زیادتی کا شکار مظلوم لڑکی جیسا ہو جا تا تھا اور وہ  سیدھا  بھی نہیں چل  پاتے تھے'نے خواتین کو سخت اشتعال میں مبتلا کردیا ، ان کے اس بیان سے پورے بھارت میں ہنگامہ برپا ہو گیا ہے۔

گزشتہ روز سلمان کے والد سلیم خان نے اپنے بیٹے کی حرکت پر لوگوں  سے معافی کا مطالبہ کرتے ہوئے کہا تھا کہ ان کے بیٹے سے غلطی ہوگئی ہے ،اس کا ارادہ کسی کو دکھ پہنچانے کا نہیں تھا ۔

واضح رہے کہ  این سی پی کی رکن چترا واگاہ نے 50 سالہ اداکار  سلمان  خان کیخلاف سیتا بلدی پولیس اسٹیشن میں ایف آئی آر درج کرواتے ہوئے کہاہے کہ ان کیخلاف ایکشن لیا جائے۔