اگر آپ اپنی تصاویر کثرت سے بناتے ہیں اور چاہتے ہیں کہ ہمیشہ آپ کا خوبصورت رخ ہی دنیا کے سامنے آئے تو ماہرین نفسیات کا مشورہ ہے کہ چہرے کی بائیں طرف کو کیمرے کے سامنے رکھیں۔

چودھویں صدی کی پینٹنگز کا تجزیہ کرتے ہوئے سائندانوں پر انکشاف ہوا کہ ان سب میں چہرے کے بائیں حصے کو زیادہ واضح کیا گیا تھا۔ جس سے نتیجہ اخذ کیا گیا کہ انسان کے چہرے کا بایاں حصہ زیادہ پرکشش ہوتا ہے۔

 سائنسدانوں کا کہنا ہے کہ دماغ کا دایاں حصہ جذبات اور تخیلات کو کنٹرول کرتا ہے اور یہی حصہ جسم کی بائیں طرف کو بھی کنٹرول کرتا ہے لہٰذا آپ کے چہرے کی بائیں طرف زندگی سے بھرپور ہوتی ہے اور جذبات کا اظہار بھی بہتر طور پر کرتی ہے۔

ماہرین کا کہنا ہے کہ شاید یہی وجہ ہے کہ ہم میں سے اکثر قدرتی طور پر تصویر بنواتے وقت چہرے کی بائیں طرف کو زیادہ اہمیت دیتے ہیں اور اکثر اسی طرف کو کیمرے کے سامنے رکھتے ہیں۔

دوسری جانب ہالی ووڈ کی متعدد حسیناﺅں کا انداز اس تحقیق کے بالکل برعکس نظر آ تا ہے کیونکہ وہ اکثر اپنے چہرے کی دائیں طرف کو کیمرے کے سامنے پیش کرتی ہیں۔

بشکریہ ڈیلی میل