کراچی:کراچی کے علاقے لیاقت آباد میں رینجرز نے سیاسی جماعت کے دفتر پر چھاپہ مار کر 2 کارکن گرفتار کرلیے،گرفتار کارکنوں میں یوسی کا جنرل کونسلر بھی شامل ہے۔

رات گئے رینجرز نے لیاقت آباد پیلی کوٹھی کے قریب ایم کیوایم کے یو سی آفس میں چھاپہ مارا۔

 ایم کیو ایم کے ترجمان کے مطابق، رینجرز نے دفتر میں موجود 2 کارکنوں محمد ایوب قریشی اور جنرل کونسلر شاہد فتح کو گرفتار کرلیا ہے۔

 ترجمان کے مطابق، رینجرز نے دونوں کارکنوں کو نامعلوم مقام پر منتقل کر دیا ہے۔

 دوسری جانب ایم کیوایم نے آج ہونے والی احتجاجی ریلی موخرکردی،اعلامیہ میں کہا گیا ہے کہ نئی تاریخ اور مقام کا اعلان بعد میں کیا جائے گا۔