وزیراعظم نوازشریف نے کہا ہے کہ دنیا سے باہمی تنازعات کا پر امن حل وقت کی اہم ضرورت ہے لیکن برابری اوردوستانہ تعلقات کی کاوشوں کو ہماری کمزوری نہ سمجھا جائے۔

اسلام آباد میں جاری 3 روزہ سفراء کانفرنس اختتام پزیر ہوگئی،کانفرنس کے آخری روز وزیراعظم نواز شریف نے شرکاء سے خطاب کیا۔

وزیراعظم نوازشریف کا کہنا تھا کہ دہشت گردی پر تقریبا قابو پالیا ہے اب انتہا پسندی کے حوالے سے کام کرنا ہے ۔ سفیر سرمایہ کاری میں اضافے کے مشن پر کام کریں۔

وزیراعظم نواز شریف نے مسئلہ کشمیر کے حل کو خارجہ پالیسی کا بنادی ستون قرار دیتے ہوئے کہا

آج مقبوضہ کشمیرمیں آزادی کی نئی لہر جاری ہے اور نئی نسل کے لہو میں بھارت سے آزادی کی تمنا شدت کے ساتھ دوڑ رہی ہے۔

اُن کا کہنا تھا سی پیک منصوبہ خطے کی شکل بدل دے گا، دہشت گردی کو جڑ سے ختم کرنے اور انتہا پسندی کے تدارک کیلئے ایک جامع حکمتِ عملی تشکیل دی جارہی ہے۔