اقوام متحدہ میں پاکستان کی سفیر ملیحہ لودھی کا کہنا ہے کہ مسئلہ کشمیر پر اقوام متحدہ کے سیکریٹری جنرل کا بیان پاکستان کی سفارتی کامیابی ہے۔ بھارت اقوام متحدہ کی قراردادوں کی روشنی میں مذاکرات کرے۔

پاکستان مظلوم کشمیری بھائیوں کے درد کی آواز بن گیا،بھارتی ظلم وجبر کی گونج اب اقوام عالم کے فورم پر بھی سنی جانے لگی۔

اقوام متحدہ میں پاکستان کی مستقل مندوب ملیحہ لودھی نے اقوام متحدہ کے سیکریٹری جنرل بان کی مون کے مسئلہ کشمیر کے بیان کو پاکستان کی سفارتی فتح قرار دیا ہے ۔ ان کا کہنا تھا کہ مسئلہ کشمیر عالمی سطح پر اجاگر ہوگیا ہے۔

بان کی مون نے گزشتہ روز وزیراعظم نواز شریف کے خط کا جواب دیا تھا جس میں مقبوضہ کشمیرمیں بھارتی تشدد کی مذمت کرتے ہوئے کہا تھاکہ بھارت اقوام متحدہ کی قراردادوں کی روشنی میں مذاکرات کرے۔