لاہور:لاہور ہائیکورٹ نے ایان علی کی جانب سے فرد جرم عائد کرنے سے روکنے کیلئے دائر درخواست میں مقدمہ کا ریکارڈ قبضہ میں لینے کا حکم دے دیا۔

لاہور ہائیکورٹ کے جسٹس عبدالسمیع خان نے کیس کی سماعت کی،درخواستگزار ماڈل ایان علی کے وکیل لطیف کھوسہ نے عدالت کو بتایا کہ ماڈل ایان علی کو ڈالرز بیرون ملک منتقل کرنے کے مقدمہ میں نامزد کر دیا گیا ہے۔

مقدمے کے تفتیشی ناصر ترابی کی دوران ڈکیتی قتل میں بھی مقتول کی بیوہ سے درخواست لے کر ایان علی کو ملزم بنا دیا گیا ہے،سرکاری اہلکار دو مرتبہ ریکارڈ میں تبدیلی کر چکے ہیں،عدالت تمام ریکارڈ اپنی تحویل میں لے اور ان کی موکلاء کے خلاف فرد جرم عائد کرنے سے روکنے کا حکم دیا جائے۔

سرکاری وکیل نے عدالت سے تیاری کے لیے مہلت کی استدعا کی،عدالت نے مقدمہ کا ریکارڈ عدالتی تحویل میں لینے کا حکم دیتے ہوئے سماعت چار اکتوبر تک ملتوی کر دی۔