انہوں نے پاکستانی ماڈل قندیل بلوچ کی زندگی پر  شارٹ ڈاکیومنٹری بنانے کا ارادہ ظاہر کیااور اس پر عمل بھی کیا ،ان کے اس فیصلے کے بارے میں ہالی وڈ پاپ اسٹار اور اداکارہ میڈونا نےانسٹاگرام پر پیغام دیتے ہوئے کہا ہے کہ

'وہ شرمین عبید چنائے کی جانب سے سوشل میڈیا اسٹار قندیل بلوچ کی زندگی پر بنائی جانے والی فلم پر بیحد فخر محسوس کرتی ہیں،انہوں نے کہا کہ قندیل جو اپنے ہی بھائی کے ہاتھوں غیرت کے نام پر قتل ہوگئیں۔'

اس کے علاوہ انہوں نے پیغام میں لکھا کہ پاکستانی حکومت نے بالآخر غیرت کے نام پر قتل کے حوالے سے بل منظور کرلیا،اور اب کسی قاتل کو اجازت نہیں ہوگی کہ وہ کھلے عام آزادانہ گھومے،دنیا میں مثبت تبدیلی آرہی ہے۔

ان کا کہنا تھا کہ' قندیل اور ان جیسی دوسری لڑکیوں کیلئے وہ بہت برا محسوس کررہی ہیں'۔

واضح رہے کہ پاکستانی ماڈل اور سوشل میڈیا اسٹار قندیل بلوچ کو ان کے بھائی نے رواں سال غیرت کے نام پر قتل کردیاتھا،ان کے قتل نے پور ے پاکستانی میڈیا کو جھنجھوڑ کر رکھ دیا تھا۔

قندیل قتل کیس ہی کی بدولت پاکستانی پارلیمنٹ میں گزشتہ کئی برسوں سے التواء میں پڑا ہوا غیرت کے نام پر بل منظور کیا گیا ہے،جس کے باعث  بے گناہ خواتین کو جان سے مارنے والے قاتلوں کو کیفر کردار تک پہنچانے میں مدد ملے گی۔