انوراگ نے مودی کو آڑے ہاتھوں لیتے ہوئے کہا ہے کہ 25 دسمبر کو کئے جانے والے دورے پر ہمارے ٹیکسوں کا پیسہ لگا ہوا ہے۔

ہم فلم  کی شوٹنگ کرتے ہیں  اور اس شوٹنگ کا ٹیکس ادا کرتے ہیں ،حکومتی نمائندے ہماری جانب سے دئیے جانے والے ٹیکسوں سے دوسرے ممالک کا دورہ کرتے ہیں ،جس وقت مودی پاکستان کا دورہ کررہے تھے ،اسی وقت کرن جوہر' اے دل ہے مشکل' کی شوٹنگ میں مصروف تھے۔

انہوں نے مزید ٹویٹس کرتے ہوئے کہا کہ میں حالات کو سمجھنے کی کوشش کررہا ہوں ،کیونکہ میری سمجھ اتنی زیادہ نہیں ہے۔

ان کا مزید کہنا تھا کہ مجھے سمجھ نہیں آرہا آپ(مودی) اس سارے معاملے پر خاموش کیوں ہیں؟انہوں نے طنز کرتے ہوئے کہا کہ دنیا کو ہمارے مسائل حل کرنے کے طریقے سے کچھ سیکھنا چاہئے کیونکہ ہمارے تمام مسائل کا حل فلموں پرپابندی لگانا ہوتا ہے۔

واضح رہے کہ کرن جوہر کی فلم (اے دل ہے مشکل)میں پاکستانی اداکار فواد خان کی موجودگی کے باعث بھارت کی 4 ریاستوں میں نمائش پر پابندی عائد کردی گئی ہے۔

بشکریہ:انڈین ایکسپریس