سول اسپتال خیر پور میں گزشتہ روز سے اب تک پانچ نومولود جان کی بازی ہار چکے ہیں اور یہ ہوا ہے کہ سینئر ڈاکٹرز کی عدم موجودگی اور بروقت آکسیجن نہ ملنے کی وجہ سے۔ اسپتال میں سینئر ڈاکٹرز آنا گوارا نہیں کرتے جبکہ سہولیات کے فقدان نے صورتحال کو مزید ابتر کردیا ہے۔

بچوں کی ہلاکت پر نہ تو صوبائی حکومت نے کوئی نوٹس لیا ہے اور نہ ہی ضلعی انتظامیہ نے۔جاں بحق بچوں کے ورثاء کا کہنا تھا کہ سول اسپتال میں ڈاکٹر موجود ہی نہیں ہیں اور گائنی وارڈ میں آکسیجن کی کمی ہے۔بچوں کے ورثاء نے حکومت سے مطالبہ کیا ہے کہ واقعہ کا نوٹس لیتے ہوئے ذمہ داروں کے خلاف کارروائی کی جائے۔