'واضح رہے کہ آن لائن شاپنگ ویب سائٹ نے ارشد خان کی مزید تصاویر جاری کی ہیں جس میں وہ ماڈلنگ کرتے نظر آرہے ہیں ،ان تصاویر کے ساتھ کمپنی کا یہ پیغام درج تھا 'اب چائے والا چائے والانہیں رہا بلکہ اب وہ فیشن وال بن چکا ہے۔

خیال رہے کہ نیلی آنکھوں والے اس پُرکشش ترین چائے والے کی تصویر فوٹوگرافر جویریا علی نےاسلام آباد کے اتوا ر بازار میں کھینچی تھی ،اور اسے اپنے انسٹا گرام اکاؤنٹ پر شئیر کیا تھا۔

جہاں سے یہ تصویر وائرل ہوئی اور چائے والا ٹویٹر کا ٹاپ ٹرینڈ بن گیا ،اس تصویر کولاکھوں لوگوں نے دیکھا  اور دیکھتے ہی  پاکستانی اور بھارتی اداکاروں سے زیادہ پُرکشش قرار دے دیا۔

چائے والے کی دھوم پاکستان سے نکل کر بھارت تک جا پہنچی جہاں ارشد خان کو بھارتی لڑکیوں پر پاکستانی سرجیکل اسٹرائیک  حملہ قرار دیا جانے لگا۔