لیکن اب رشی کپور نے خاموشی توڑتے ہوئے پاکستانی فلم میں کام نہ کرنے کی وجہ بیان کرتے ہوئے کہا ہے کہ 'میں پاکستانی فلم میں کام نہیں کروں گا کیونکہ میرا ملک اس بات کو پسند نہیں کرےگا۔'

ہندوستان ٹائمز سے بات کرتے ہوئےان کا کہنا تھاکہ انہوں نے  جوانی پھر نہیں آنی کی کہانی سنی تھی،یہ ایک دلچسپ کہانی تھی،یقیناً اس کے سیکوئل کی کہانی بھی اچھی ہوگی لیکن میں اس میں کام نہیں کرسکتا،کیونکہ آج کل حالا ت بہت ہی نازک ہیں ۔

انہوں نے اپنی بات میں اضافہ کرتے ہوئے کہا' مجھے بھارتی شہری ہونے پر فخر ہے،اگر پاکستا ن ایک دہشت گرد ریاست ہے،تو مجھے اس کا حصہ بننے میں کوئی دلچسپی نہیں ۔'

انہوں نے بھارت میں پاکستانی فنکاروں پر پابندی کے حوالے سے کہاکہ انہیں بھارتی حکومت سے باقاعدہ اجازت لے کر مخصوص مدت  کیلئے  یہاں آنا چاہئے ، میں آج کل کے حالات سے پوری طرح واقف ہوں اور پریشان بھی ہوں۔

لہٰذاامید کرتا ہوں یہ سب جلد ختم ہوجائے گا،پاک بھارت جس طرح کی صورتحال سے گزررہے ہیں ،وہ دونوں ممالک کیلئے انتہائی مہلک ثابت ہوگی۔