حلقہ میں پی ٹی آئی کے نامزد امیدوار سابق ہاکی اولمپین رانا شفیق احمد خان نے پارٹی قیادت سے اختلافات کے باعث مسلم لیگ ن کے امیدوار پیر قطب علی شاہ المعروف علی بابا کے حق میں دستبرداری کا اعلان کیا۔

ان کا کہنا تھا کہ پارٹی قیادت کی جانب سے آزاد امیدوار سیدہ سونیا علی رضا شاہ کے حق میں دستبردار ہونے کیلئے دباو تھا،جس پر انہوں نے مسلم لیگ ن کے امیدوار کی حمایت کا اعلان کیا۔

تحریک انصاف نے علاقائی سیاست کو مدنظر رکھتے ہوئے مرحوم سابق رکن صوبائی اسمبلی رضا علی شاہ کی اہلیہ سونیا علی رضا کی حمایت کا اعلان کیا ہے۔