اکثر دفتر میں ہم ایسی سوالات کرجاتے ہیں جس کی وجہ سے ہمارے ساتھ کام کرنے والے غصے میں آجاتے ہیں یا پھر ناراض ہوجاتے ہیں۔
حالانکہ کہ آپ وہ بات جان بوجھ کر نہیں بولتے اور نہ ہی آپ کا ایسا ارادہ ہوتا ہے کہ آپ کی بات سے سامنے والے انسان کو دکھ پہنچے۔
اکثر ایسا ہوتا ہے کہ نئے آنے والے لوگوں کے ساتھ آپ گھل مل جاتے ہیں اور مذاق میں ساری ایسی بات کرجاتے ہیں کہ آپ کے کو ورکرز کو وہ بات پسند نہیں آتی۔
آج ہم آپ کو چند ایسی ہی باتوں کے بارے میں بتائیں گے، ان باتوں کو اپنے کو ورکر سے کرنے سے گریز کرنا چاہیئے۔
٭ آپ کی تنخواہ کتنی ہے؟
کچھ لوگوں کی یہ عادت بہت زیادہ ہوتی ہے کہ وہ دوسروں سے ان کی تنخواہ کے حوالے بہت پوچھتے ہیں۔ یہ سوال بہت غیر اخلاقی ہوتا ہے لہذا اپنے ساتھ کام کرنے والوں سے ہرگز یہ سوال نہیں پوچھنا چاہیئے۔
٭آپ کا وزن کتنا ہے؟
اگر کوئی ساتھ کام کرنے والے ورکر کا وزن دن بہ دن کم ہوتا جارہا ہے یا وزن بڑھتا جارہا ہے تو آپ اس سے اس حوالے سے سوال کرنے سے گریز کریں کیونکہ آپ کو نہیں معلوم کہ اس شخص کے وزن بڑھنے یا گھٹنے کی کیا وجہ ہے۔ لہذا ایسے سوالات پوچھنے سے گریز کرنا چاہیئے۔
٭ آپ کی عمر کیا ہے؟
کچھ لوگ اپنی عمر کے بارے میں بہت حساس ہوتے ہیں وہ کسی کو بھی اپنی عمر کے بارے میں بتانا نہیں چاہتے۔ لہذا اس سوال کو پوچھنے سے گریز کریں کیونکہ ایسے سوالوں سے سامنے والا شخص کنفویز ہوسکتا ہے۔
٭بیماری کے حوالے سے سوال
اگر آپ کے 'کو ورکر' کو کسی قسم کی کوئی بیماری ہے تو اس سے تب تک بیماری ڈسکس نہیں کریں جب تک وہ خود آپ سے اس بیماری کے حوالے سے بات نہ کرلے۔
