اسلام آباد:اسلام آباد سے تربیلا جانے والی رینجرزکی گاڑی فتح جھنگ کے قریب حادثے کا شکارہو گئی،جس کے نتیجے میں 2اہلکارجاں بحق جبکہ 10زخمی ہوگئے ۔

موٹروے پولیس کے مطابق، رینجرز اہلکارڈبل کیبن گاڑی پرسوارتھے حادثہ ٹائی راڈ کھلنے کے باعث پیش آیا ۔

اسپتال ذرائع کے مطابق، زخمیوں کو سی ایم ایچ اسپتال راولپنڈی منتقل کیا گیا ،  زخمیوں میں 2کی حالت تشویش ناک بتائی جاتی ہے، جاں بحق ہونے والوں میں حوالدار عاصم اورلانس نائیک آصف شامل ہیں ۔

 وزیرداخلہ چوہدری نثار نے اہلکاروں کے جاں بحق ہونے پر گہرے دکھ اورغم کا اظہارکیا اور حادثہ پرافسوس کا اظہارکیا ، زخمیوں کی جلد صحت یابی کیلئے دعا کی۔