یہ مقدمہ افشاں کی جانب سے چار جولائی کو درج کیا گیا تھاایف آئی آر میں ان کے مینجر کانام بھی شامل ہے ، اس کیس کی سماعت علاقہ مجسٹریٹ کاشف جاوید کی عدالت میں ہوئی ،کیس کی سماعت کے دوران عدالت نے مشی خان پر فرد جرم عائد کردی جبکہ اداکارہ نے صحت جرم سے انکار کردیا ۔

بعد ازاں مدعی افشاں کے عدالت میں پیش نہ ہونے کی وجہ سے سماعت پندرہ مارچ تک ملتوی کردی گئی۔سماعت کے بعد مشی خان نے میڈیا سے گفتگو کرتے ہوئے کہا کہ انہوں نے کوئی فراڈ نہیں کیا ہے اور نہ ان کا اس کیس سے کوئی لینا دینا ہے ۔