لاہور:پاکستان کے معروف اداکار معین اختر کا آج 66واں یوم پیدائش منایا جا رہا ہے۔
کہتے ہیں فن کبھی نہیں مرتا، معین اختر بھی ایسےہی فنکار تھے جنہوں نے کئی برسوں تک اپنے فن سے لوگوں میں خوشیاں بانٹیں ،ہاف پلیٹ کا شاعر ہو یا روزی کا لافانی کردار، معین اختر نگینے کی طرح ہر کردار میں سج جاتے تھے۔
معین اختر نے 1966 میں اپنے فنی سفر کا آغاز یوم دفاع کے موقع پر پاکستان ٹیلی ویژن سے نشر ہونے والے ایک پروگرام سے کیا۔
انہوں نے ٹی وی اور اسٹیج کے ڈراموں میں بھی کام کیا جن میں ان کے مشہور زمانہ ڈرامہ روزی میں ادا کیے ہوئے کردار نے ان کو فنی سفر کی انتہائی بلندیوں پر پہنچادیا۔
معین اختر اور عمرشریف کی جوڑی نے بھی اسٹیج پر دھوم مچائی اور لوگوں کے چہروں پر مسکراہٹ بکھیری۔
معین اختر22 اپریل سن 2011 کو حرکت قلب بند ہوجانے کے باعث انتقال کرگئے،مگر مداحوں کے دل آج بھی زندہ ہیں۔
