وزیراعلیٰ خیبرپختونخوا کا کہنا تھا کہ وہ کسی صورت وفاق کی ہٹ دھرمی قبول نہیں کریں گے۔مولانا فضل الرحمان نے میڈایا سے گفتگو کرتے ہوئے کہا کہ کانفرنس میں شریک تمام سیاسی جماعتوں کے نمائندوں پر مشتمل ایک کمیٹی بنادی گئی ہے جو وزیراعظم سے ملاقات کرے گی۔

آل پارٹیز کانفرنس کے بعد اعلامیہ بھی جاری کردیا گیا ۔اعلامیہ میں اقتصادی راہداری پر وفاقی حکومت کے اقدامات پر تحفظات کا اظہار کیا گیا اور وفاقی حکومت سے اقتصادی راہداری پر ابہام کو فوری دور کرنے کا مطالبہ کیا گیا۔اعلامیے میں کہا گیا کہ اٹھائیس مئی دو ہزار پندرہ کو وزیر اعظم کی صدارت ہونے والی آل پارٹیز کانفرنس کے اعلامیہ پر من و عن عمل درآمد کیا جائے۔

اقتصادی راہداری کی تکمیل کے لئے ہم اس عزم کااعادہ کرتے ہیں کہ تمام سیاسی جماعتیں مل جل کر جدو جہد کریں گی۔