ویڈیو میں دیکھا جا سکتا ہے کہ عاطف اسلم لڑکی کو پریشان کرنے والے لڑکوں سے کہہ رہے ہیں ’کیا تم نے کبھی کوئی لڑکی نہیں دیکھی۔ یہاں تمہاری ماں بہن بھی ہوسکتی تھی۔‘

پاکستان میڈیا کے مطابق کنسرٹ میں کافی زیادہ لوگ آئے تھے جہاں بہت ساری لڑکیوں کو ہراساں کیا گیا۔

عاطف اسلم نے سیکیورٹی کو بلایا جنہوں نے اس لڑکی کو وہاں سے نکالا۔ سوشل میڈیا پر پوسٹ کی گئی ویڈیو میں دیکھا جا سکتا ہے کہ لڑکی کو بازوؤں سے کھینچ کر اسٹیج پر چڑھایا گیا۔

عاطف اسلم کے اس فعل پر وہاں آنے والے شائقین نے نعرے لگا کر اور تالیاں بجا کر انہیں داد دی۔ سوشل میڈیا کے صارفین کا کہنا ہے کہ عاطف اسلم نے اس یقین دہانی کے بعد ہی فن کا مظاہرہ دوبارہ شروع کیا کہ وہاں موجود تمام لڑکیاں محفوظ ہیں۔

یہ پہلی مرتبہ نہیں ہے کہ کسی گلوکار نے اس طرح کے ہراس کو روکنے کے لیے فن کا مظاہرہ روک دیا۔ گذشتہ برس ایک ہسپانوی گلوکار نے بھی میکسیکو میں ایک خاتون پر حملے کے بعد اپنی پرفارمنس روک دی تھی۔

بشکریہ:بی بی سی اردو