دنگل گرل‘ زائرہ وسیم کا وزیرِ کھیل وجے گوئل کوکڑا جواب ’
بالی وڈ کی فلم 'دنگل' سے مشہور ہونے والی وادی کشمیر کی نوجوان اداکارہ زائرہ وسیم نے انڈيا کے وزير كھیل وجے گوئل کے برقعے سے متعلق ایک تبصرے کا سخت جواب دیا ہے۔ وزير کھیل وجے گوئل نے برقع پہننے والی ایک لڑکی کو پنجرے میں قید میں دکھنے والی ایک پینٹنگ کو ٹویٹر پر شیئر کرتے ہوئے زائرہ وسیم کو ٹیگ کیا تھا۔ اپنی ٹویٹ میں وجے گوئل نے لکھا تھا: 'یہ پینٹنگ زائرہ وسیم کی کہانی بیان کرتی ہے۔ پنجرہ توڑ کر ہماری بیٹیاں اب آگے بڑھنے لگی ہیں۔ ہماری بیٹیوں کو اور طاقت ملے۔' This painting tells a story similar to @zairawasim, पिंजरा तोड़ कर हमारी बेटियां बढ़ने लगी हैं आगे | More power to our daughters! — Vijay Goel (@VijayGoelBJP) January 19, 2017 اس کے جواب میں زائرہ نے ٹویٹ کیا: 'وجے گوئل سر، آپ کا مکمل احترام کرتے ہوئے، میں یہ محسوس کرتی ہوں کہ میں آپ سے قطعی متفق نہیں ہوں۔ میں آپ سے گذارش کرتی ہوں کہ آپ ایسی کسی نازیبا مثال کے ساتھ ہرگز میرا موازنہ نہ کریں۔' @VijayGoelBJP Sir, with all respect to you, I feel I must disagree. I request you not to connect me to such a discourteous depiction. (1/3) https://t.co/BIgWVstqZh — Zaira Wasim (@zairawasim) January 20, 2017 زائرہ وسیم نے مزید لکھا: 'حجاب پہننے والی خواتین بھی خوبصورت اور آزاد ہوتی ہیں۔ ساتھ ہی اس تصویر میں جو کہانی پیش کرنے کی کوشش کی گئی ہے اس کا مجھ سے تو دور دور تک کوئی واسطہ نہیں ہے۔' @VijayGoelBJP Women in hijab are beautiful and free (2/3) — Zaira Wasim (@zairawasim) January 20, 2017 @VijayGoelBJP Moreover, the story depicted through this painting is not even remotely relevant to mine. (3/3) — Zaira Wasim (@zairawasim) January 20, 2017 وادی کشمیر میں سری نگر کےعلاقے سے تعلق رکھنے والی 16 سالہ زائرہ وسیم نے عامر خان کی حال ہی میں ریلیز ہونے والی فلم 'دنگل' میں اہم کردار ادا کیا ہے۔ انہوں نے فلم کی اہم کردار پہلوان گیتا پھوگٹ کے بچپن کا کردار ادا کیا ہے۔ واضح رہے کہ زائرہ وسیم نے حال ہی میں جموں کشمیر کی وزیر اعلیٰ محبوبہ مفتی سے ملاقات کی تھی جس کی وجہ سے بعض حلقوں نے ان پر یہ کہہ کر تنقید کی تھی کہ چونکہ محبوبہ مفتی بطور وزیر اعلیٰ ناکام ثابت ہوئی ہیں اس لیے ان سے ان کی ملاقات درست نہیں۔ اس کے بعد زائرہ کو ٹرول کیا گیا اور کہا گیا تھا کہ انہیں محبوبہ مفتی کے بجائے پیلیٹ گن سے زخمی ہونے والے لوگوں سے ملاقات کرنی چاہئے تھی۔ اس تنازعے سے 16 سالہ زائرہ سوشل میڈیا پر ہونے والی بحث سے اس قدر پریشان ہوئیں کہ انہوں نے اپنی معذرت پیش کی جس کے بعد ان کے حق میں کئی معروف ہستیاں کھل کر سامنے آئی تھیں۔
2/2 pic.twitter.com/RaolLKrZeg
