ممبئی:بولی وڈ کے چھوٹے نواب سیف علی خان اور ان کی بیگم کرینہ کپور کا شمار بولی وڈ کی خوشحال جوڑیوں میں ہوتا ہے،دونوں کا رشتہ وقت گزرنے کے ساتھ مزید مضبوط ہوا ہے جبکہ تیمور علی خان(بیٹے)کی پیدائش کے بعد یہ رشتہ اور بھی گہرا ہو گیا ہے۔
جب بھی شوبز کی کامیاب جوڑیوں کی مثال دی جاتی ہے ان دونوں کا ذکر ضرور کیا جا تا ہے،تیمور کے پیدا ہونے کے بعد دونوں اداکاروں کو عوامی مقامات پر اکثر ایک ساتھ بڑے خوشگوار موڈ میں دیکھا گیا ہے۔
لیکن شاید اس جوڑی کو نظر لگ گئی ہے انڈیا ڈاٹ کام کے مطابق دونوں کو گزشتہ رات ممبئی کے علاقے بیندرا دیکھا گیا وہ ایک ساتھ کار میں بیٹھے تھے لیکن ان کا موڈ کچھ ٹھیک نہیں تھا ،دونوں کے چہرے کے تاثرات سے ظاہر ہورہاتھا کہ انہیں ایک دوسرے کی کوئی بات شاید بہت بری لگی ہے۔
سیفینا کی جب بھی کوئی تصویر شائع ہو ئی ہے ہمیشہ دونوں ہنستے مسکراتے ہی نظر آئے ہیں لیکن یہ پہلا موقع ہے جب بہت سنجیدہ دکھائی دئیے۔
واضح رہے کہ بیٹے کی پیدائش کے باعث کرینہ نے کچھ دنوں کے لیے کام سے دوری اختیار کرلی تھی لیکن اب وہ اپنی فلم 'ویرے دی ویڈنگ 'کے لیے مکمل طور پر تیار ہیں جبکہ سیف بھی فلم 'شیف'کی شوٹنگ میں جلد حصہ لیں گے۔
