شائع 16 فروری 2017 06:43am

طاہر شاہ کے نئےسرپرائز نے لوگوں کو حیران کردیا

زنیرا غوری

سوشل میڈیا کے ذریعے  راتوں رات شہرت حاصل کرنے والے معروف گلوکار  طاہر شاہ نے اپنے چاہنے والوں سے ویلنٹائن کے موقع پر ایک سرپرائز دینے کا اعلان کیا تھا جس کا ان کے مداحوں کو بے چینی سے انتظار تھا۔

بلآخر طاہر شاہ کا وہ سرپرائز سامنے آگیا ،لیکن امید کے برخلاف یہ کوئی گانا نہیں   بلکہ انہیں ان کے مقبول گانے 'اینجل' کو اپیکس شارٹ فلم اور میوزک ویڈیو فیسٹیول  ایروزونا میں 'اپیکس ایوارڈ2017' سےنوازا گیا ہے۔

ویڈیومیں ان کی فیسٹیول میں شرکت   اور انتظامیہ کے حوالے سے بتا گیا ہےکہ شاہ کی موجودگی سے انتظامیہ کتنی پُرجوش تھی،انہوں نے شاہ کو سرپرائز مہمان کے طور پر متعارف کروایا۔

فیسٹیول میں طاہر شاہ نے  اپنے نئے پروجیکٹ کے حوالے سے بتاتے ہوئے کہا کہ  وہ 'فلم آئی ٹو آئی 'کے ذریعے  ہالی وڈ میں ڈیبیو کرنے جارہے ہیں ،یاد رہے کہ آئی ٹو آئی ان کا پہلا گانا تھا جس نے سوشل میڈیا پر مقبولیت کے تمام ریکارڈز توڑ دئیے تھے اور یہ ہی گانا شاہ کی کامیابی کی وجہ بنا،اس فلم کے بارے میں شاہ نے  2015 میں ہی اعلان کردیا تھا۔

فیسٹیول کوآرڈینیٹر ایمیکو سے بات کرتے ہوئے شاہ نے فلم کی کہانی کے بارے میں بتاتے ہوئے کہا کہ  یہ محبت پر مبنی فلم ہے جسے ان کی کمپنی پروڈیوس کررہی ہے اور وہ خود اس فلم کی ہدایات دیں گے۔

واضح رہے کہ طاہر شاہ کے مداح اب انہیں میوزک ویڈیو کی بجائے فلم میں دیکھ سکیں گے۔

Read Comments