بیکنگ سوڈا کھانے میں استعمال ہونے کے ساتھ ساتھ آپ کی خوبصورتی میں اضافہ بھی کرسکتا ہے۔ہم آپ کو بیکنگ سوڈا کے کچھ ایسے فائدے بتائیں گے جس سے آپ یقینا لاعلم ہوں گے۔
چمکدار دانت
بیکنگ سوڈا کے استعمال سے دانتوں کی پیلاہٹ ختم ہوجاتی ہے اور دانت سفید اور چمکدار دیکھائی دیتے ہیں۔اگر بیکنگ سوڈا کو ٹوتھ پیسٹ میں ملا کر 2منٹ تک استعمال کیا جائے اور یہ عمل ایک دن چھوڑ کر کیا جائے تو آپ کے دانت روزبروز اچھے ہوتے جائیں گے لیکن اس کے غیر ضروری استعمال سے گریز کریں۔
داغ دھبوں اور دانوں کا خاتمہ
چہرے سے دانوں کے خاتمے کے لئے بیکنگ سوڈا بہت مفید ہوتا ہے۔ایک چائے کا چمچ بیکنگ سوڈا اور اس میں پانی ملا کر پیسٹ بنا لیں،اس پیسٹ کو 2۔1 منٹ کے لئے اپنے چہرے پر لگائیں اور ٹھنڈے پانی سے دھولیں،یہ عمل ہفتے میں ایک سے دو بار کریں۔
گورا رنگ
گورے رنگ کے لیے آدھا چائے کا چمچ بیکنگ سوڈا لیں اور اسے پانی میں ملا کر اپنے چہرے پر لگائیں،ایک سے دو منٹ تک انگلیوں سے مساج کریں اور ہفتے میں 2۔1 بار یہ عمل دھرائیں۔
ناخن کی خوبصورتی
اکثر لوگوں کے ناخن پیلے ہو جاتے ہیں،یا پھر فنگس کی شکایت ہوتی ہے تو ان سب مسائل کے حل کے لیے 2 بڑے چمچ بیکنگ سوڈا،1 کپ ایپل سیڈر وینیگر میں شامل کریں اور 5 منٹ کے لئے اس مسکچر میں ناخن رکھیں اور پھر ناخنوں کو اچھی طرح تولئیے سےخشک کر لیں۔ یہ عمل دن میں دو بار بھی کیا جا سکتا ہے۔
سر سے خشکی کا خاتمہ
خشکی دور کرنے کے لیے بھی بیکنگ سوڈا استعمال کیا جا سکتا ہے۔ بیکنگ سوڈا اور پانی 1:3 کے تناسب سے لیں،5 منٹ تک اسے سر میں لگائیں اور پھر دھولیں۔ مہینے میں دو بار یہ عمل کریں۔
بیکنگ سوڈا کے استعمال سے آپ کے بہت سے مسائل حل ہو سکتے ہیں،اور یہ معمولی سی چیز آپ کی خوبصورتی میں چار چاند لگا سکتی ہے۔
نوٹ: یہ تحریر محض عام معلومات کے لئے ہے،اس پر عمل کرنے سے پہلے براہِ مہربانی اپنے معالج سے ضرور مشورہ کر لیں۔
