وزیراعظم کے 15 معاونین خصوصی کا معاملہ، فریقین کو نوٹس جاری

مہدی قاضی
شائع 15 جنوری 2020 01:49pm
پاکستان

وزیراعظم کے 15 معاونین خصوصی کی تعیناتی چیلنج پراسلام آباد ہائی کورٹ کا فریقین کو نوٹس جاری کرتے ہوئے معاونین کو کام سے روکنے کی استدعا مسترد کر دی۔

اسلام آباد ہائی کورٹ کے جسٹس عامر فاروق اورجسٹس لبنیٰ سلیم پرویزنے کیس کی سماعت کی۔

عدالت نے فریقین کو نوٹس جاری کرتے ہوئے دو ہفتوں میں جواب طلب کرلیا۔عدالت نے معاونین خصوصی کو فوری طور پر کام سے روکنے کی استدعا مسترد کردی۔

جسٹس عامر فاروق نے ریمارکس دیے کہ 3 فروری کو کیس کی سماعت کریں گے۔

وکیل درخواست گزار نے عدالت کو بتایا کہ معاونین کو وفاقی وزیر اور وزیر مملکت کے اختیارات دیے گئے۔ انہیں یہ اسٹیٹس نہیں دیا جاسکتا، جبکہ یہ کھلم کھلا قانون کی خلاف ورزی ہے۔

درخواست گزار نے وزیراعظم کے معاونین خصوصی کو کام سے روکنے کی استدعا کی تھی۔

مزید خبریں
مقبول ترین
تازہ ترین