بجلی کے نرخوں میں ماہانہ فیول ایڈجسٹمنٹ کی مد میں ایک روپے56 پیسے فی یونٹ اضافے کا نوٹیفیکیشن جاری کردیا گیا۔ اطلاق کے الیکٹرک اورلائف لائن صارفین پرنہیں ہوگا۔

نیپرا نے اکتوبر 2019 کے ماہانہ فیول ایڈجسٹمنٹ کی مد میں بجلی ایک روپے 56 پیسےفی یونٹ مہنگی کرنے کا نوٹیفیکیشن جاری کردیا ۔بجلی صارفین کو آئندہ ماہ کےبلوں میں اضافی 14 ارب50 کروڑ روپے کا بوجھ بردداشت کرنا پڑے گا۔

واضح رہے کہ نیپرا نے سینٹرل پاورپرچیزنگ ایجنسی کی درخواست پر26 دسمبرکوسماعت کرتے ماہانہ فیول ایڈجسٹمنٹ کی مد میں بجلی مہنگی کرنے کی منظوری دی تھی۔