بولی وڈ کے مشہور و معروف اداکار رنویر سنگھ نے اپنی 34 ویں سالگرہ کے موقع پر بھارت کے سابق ورلڈکپ ونر کپتان کپل دیو پر بننے والی بائیوپک فلم '83' کی پہلی جھلک جاری کردی۔

غیرملکی میڈیا رپورٹس کے مطابق رنویر سنگھ ان دنوں اپنی فلم '83' کی شوٹنگ میں مصروف ہیں، اس فلم کی کہانی بھارت کے سابق ورلڈکپ ونر کپتان کپل دیو کی زندگی اور پہلی مرتبہ 1983 میں اپنے ملک کیلئے ورلڈکپ جیتنے پر مبنی ہے۔

رنویر نے اپنی سالگرہ کے موقع پر مداحوں سے فلم '83' میں اپنی پہلی جھلک شیئر کی جسے دیکھ کر سب دنگ رہ گئے۔ اس پہلی جھلک میں رنویر سنگھ بالکل ویسے لگ رہے ہیں جیسے کپل دیو دکھائی دیتے ہیں۔

اداکار نے انسٹاگرام پر کرکٹ بال کے ساتھ ایک سخت تاثر دیتے ہوئے تصویر شیئر کی جس میں انہوں نے وضاحت دی کہ میرے خاص دن پر ہریانا کا طوفان ملاحظہ کیجیئے۔

View this post on Instagram

On my special day, here’s presenting THE HARYANA HURRICANE 🌪 KAPIL DEV 🏏🏆 @83thefilm @kabirkhankk @deepikapadukone @mantenamadhu @sarkarshibasish @vishnuinduri @reliance.entertainment @fuhsephantom @nadiadwalagrandson

A post shared by Ranveer Singh (@ranveersingh) on Jul 5, 2019 at 6:43pm PDT

رنویر سنگھ نے کپل دیو کا کردار نبھانے کیلئے ان کے بولنگ اسٹائل کو بھی سیکھا اور ان کے ساتھ پریکٹس بھی کی۔

فلم میں رنویر سنگھ کے ساتھ ان کی اہلیہ و اداکارہ دپیکا پڈوکون کپل دیو کی بیوی کا کردار ادا کر رہی ہیں جس کے لیے وہ پہلے انکار کرچکی تھیں۔

واضح رہے یہ فلم آئندہ برس سینما گھروں کی زینت بنے گی۔