بدقسمتی اور امپائرکی غلطی کی وجہ سے نیوزی لینڈ کرکٹ ورلڈ کپ کا فاتح تو نہ بن سکا لیکن آل راؤنڈر جمی نیشم کو صرف ایک ہفتے بعد ہی بطور عالمی چیمپئن فتح کا جشن منانے کا موقع مل گیا۔

تفصیلات کے مبطابق نیوزی لینڈ کی خواتین ٹیم نے فائنل میں آسٹریلیا کو شکست دے کرنیٹ بال ورلڈ کپ جیت لیا۔

انگلینڈ کے شہر لیورپول میں کھیلے گئے، ویمنز نیٹ بال ورلڈکپ فائنل میں نیوزی لینڈ نے گیارہ مرتبہ کی چیمپئین آسٹریلیا کو اعصاب شکن معرکے میں ایک گول سے شکست دے دی۔

کیویز نے اکیاون کے مقابلے میں باون گول سے فتح سمیٹی، یہ سلورفرنز کا پانچواں اور دو ہزار تین کے بعد پہلا ٹائٹل ہے۔

نیوزی لینڈ کرکٹ ٹیم کے آل راؤنڈر جمی نیشم بھی فائنل کے موقع پر موجود تھے، انہوں نے نیٹ بال پلیئرز کے ساتھ فتح کا جشن بھی منایا۔