نئی کمپنی لائیں گے تو کچی آبادی کو بجلی کون دے گا؟ سی ای او کے الیکٹرک
سی ای او کے الیکٹرک مونس علوی نے لوڈشیڈنگ میں اضافہ کا ذمہ دار سوئی گیس کو قرار دیدیا۔
مونس علوی کہتے ہیں گیس پریشر میں کمی کی وجہ سے بجلی کی لوڈ شیڈنگ میں اضافہ ہوا۔
کراچی میں کسی اور نئی کمپنی کو اجازت دینے کے سوال پر کہا کہ کراچی میں چالیس فیصد کچی آبادیاں ہیں، ہم پابند ہیں کہ ہر شہری کو بجلی فراہم کریں۔
انہوں نے کہا کہ نئی کمپنی لائیں گے تو کچی آبادی کو بجلی کون دے گا؟
دوسری جانب جماعت اسلامی کے تحت کراچی کے گھمبیر مسائل کے حل کے لیے شہر بھر میں مظاہرے کئے گئے۔
امیر جماعت اسلامی حافظ نعیم الرحمان نے کہا کہ کراچی میں پھر لوڈشیڈنگ کا دورانیہ بڑھا دیا گیا ہے۔ وفاق اور سندھ حکومت نے بارشوں کے ستائے عوام کی داد رسی کے بجائے کے الیکٹرک کو مزید پانچ ارب روپے دے ڈالے۔
Comments are closed on this story.