وفاقی وزیر مذہبی امور اور بین المذاہب ہم آہنگی پیر نورالحق قادری نے کہا ہے کہ پاکستان کے آئین کے تحت اقلیتوں کو یکساں حقوق حاصل ہیں جس کے تحت انہیں مکمل تحفظ حاصل ہے۔

ہفتے کو لاہور میں ایک سیمینار سے خطاب کرتے ہوئے کہا کہ حکومت کی موثر پالیسیوں کے باعث ملک میں بین المذاہب ہم آہنگی کی صورتحال بہتر ہوئی ہے۔

وفاقی وزیر نے تمام مکاتب فکر کے علماء ومشائخ پر زور دیا کہ ملک میں بین المذاہب ہم آہنگی کے فروغ میں اپنا موثر کردار ادا کریں۔

انہوں نے کہا کہ ملک میں اقلیتوں سے تعلق رکھنے والوں کی عبادت گاہوں کی تعمیر سے اسلام کو کوئی خطرہ نہیں۔

ریڈیو پاکستان