اسلام آباد:وزیراعظم عمران خان نے کورونا وائرس کا شکار امریکی صدر ڈونلڈ ٹرمپ کیلئےنیک تمناؤں کا اظہار کردیا ۔

سماجی رابطے کی ویب سائٹ ٹوئٹر پر اپنے پیغام میں وزیر اعظم عمران خان نے کورونا وائرس میں مبتلا امریکی صدر ڈونلڈ ٹرمپ اور ان کی اہلیہ میلانیا ٹرمپ کیلئے نیک تمناؤں کا اظہار کیا۔

Wishing President Trump and First Lady Melania Trump speedy recovery from COVID-19.

— Imran Khan (@ImranKhanPTI) October 2, 2020

وزیراعظم نے اپنے ٹویٹ میں کہا کہ امریکی صدر ٹرمپ اور ان کی اہلیہ کی جلد صحتیابی کیلئےدعا گو ہوں۔

واضح رہے کہ صدر ٹرمپ نے اپنی مشیر ہوپ ہکس کے کورونا وائرس میں مبتلا ہونے کے بعد اپنا اور اہلیہ کا کورونا وائرس ٹیسٹ کروایا تھا۔

صدر ٹرمپ اور اہلیہ کی کورونا وائرس ٹیسٹ کی رپورٹ مثبت آجانے کے بعد امریکی صدر اور ان کی اہلیہ نے خود کو وائٹ ہاؤس میں ہی قرنطینہ کرلیا ۔