صدر مملکت ڈاکٹر عارف علوی کہتے ہیں ہماری قوم کاجذبہ کسی بھی مشکل کی گھڑی میں ابھرکر سامنے آتاہے یہی وجہ ہے کہ کورونا میں بھی جس ذمہ داری کا ثبوت پیش کیا اس سے ہم نے بڑی حد تک اس وباء کا موثر مقابلہ کیا.

انہوں نے کہاکہ اب دوسری لہر کے ممکنہ خدشات کو مدنظررکھتے ہوئے ایس او پیز پر عمل کرنا ناگزیر ہے۔

منگل کوچنیوٹ ولفیئرکمپلکس کی افتتاحی تقریب سےخطاب کرتے ہوئے انہوں نے کہا کہ پاکستانی مہمان نواز قوم ہیں،ہم نے لاکھوں افغان مہاجرین کی میزبانی کی.

انہوں نے کہا کہ فلاحی کاموں میں مخیر حضرات کا تعاون قابل ستائش ہے۔ فلاحی کاموں میں چنیوٹ برادری کی خدمات سے سب واقف ہیں۔ صدر نے کہا کہ پاکستان میں فلاحی کاموں پر بڑی رقم خر چ کی جاتی ہے۔

انہوں نے کہا کہ ریاست مدینہ میں حقوق العباد اور مظلوموں کی داد رسی کو بہت اہمیت حاصل تھی۔ انھوں نے کہا کی رسول اللہ ۖ کی زات اقدس ہمارے لیئے مثالی نمونہ ہے۔

صدر نے کہا کہ سماجی ترقی کےلئے حکومت کے ساتھ ساتھ ہم سب کو مل جل کر کام کرنا ہے۔

انہوں نے کہا کہ کرونا کی دوسری لہر بہت خطر ناک ہے لہذا ہم سب کو بے حد احتیاط سے کام لینا ہو گا۔

ریڈیو پاکستان