Aaj TV News

BR100 4,585 Decreased By ▼ -11 (-0.25%)
BR30 17,412 Decreased By ▼ -370 (-2.08%)
KSE100 44,924 Decreased By ▼ -94 (-0.21%)
KSE30 17,727 Decreased By ▼ -21 (-0.12%)
COVID-19 TOTAL DAILY
CASES 1,374,800 7,195
DEATHS 29,105 8
Sindh 526,899 Cases
Punjab 464,431 Cases
Balochistan 33,941 Cases
Islamabad 118,292 Cases
KP 185,340 Cases

اسلام آباد:پاکستان تحریک انصاف کے رہنماء جہانگیر ترین کا ہم خیال گروپ آج وزیراعظم سے ملاقات کرے گا،ملاقات میں 30 سے زائد ارکان پارلیمنٹ شامل ہوں گے۔

پاکستان تحریک انصاف کے رہنما ءجہانگیرترین کے ہم خیال گروپ کی وزیراعظم سے ملاقات کی درخواست منظور کرلی گئی۔

ذرائع کے مطابق 33اراکین پر مشتمل جہانگیرترین کے ہم خیال اراکین صوبائی اور قومی اسمبلی آج وزیراعظم عمران خان سے ملاقات کریں گے ،ہم خیال گروپ میں11اراکین قومی اسمبلی اور 22 اراکین صوبائی اسمبلی شامل ہیں ۔

ملاقات میں اراکین جہانگیر ترین کیخلاف کیسز پر اپنے تحفظات سے وزیراعظم عمران خان کوآگاہ کریں گے۔

ذرائع کے مطابق ملاقات میں راجہ ریاض، صاحبزادہ محبوب سلطان، غلام بی بی بھروانہ، صاحبزادہ امیر سلطان اور سمیع گیلانی سمیت گیارہ ارکان قومی اسمبلی شامل ہوں گے ۔

پنجاب کے صوبائی وزرا نعمان لنگڑیال، اجمل چیمہ، صوبائی مشیران عبدالحئی دستی، امیر محمد خان، رفاقت گیلانی، فیصل جبوانہ وزیراعظم سے ملاقات کریں گے۔

خرم لغاری، اسلم بھروانہ اور نذیر چوہان سمیت 22 ارکان صوبائی بھی ہم خیال گروپ کی نمائندگی کریں گے، ملاقات میں جہانگیر ترین شامل نہیں ہوں گے۔

جہانگیر ترین نے وزیر اعظم سے ملاقات سے قبل اہم بیٹھک بلا لی

دوسری جانب جہانگیر ترین گروپ کی وزیراعظم عمران خان سے آج ملاقات ہوگی، جہانگیر ترین نے وزیر اعظم سے ملاقات سے قبل اہم بیٹھک بلا لی۔

ذرائع کے مطابق تمام ہم خیال جہانگیر ترین کے گھر دوپہر کو اکٹھے ہوں گے جس میں وزیراعظم عمران خان سے ہونے والی ملاقات کے حوالے سے ڈرافٹ تیار کیا جائے گا،جہانگیر ترین گروپ کی وزیراعظم سے 4بجے ملاقات ہو گی۔

وزیراعظم سے ملاقات کرنے والے اراکین اسمبلی کے نام سامنے آگئے جس کے مطابق اراکین اور 11 ایم این ایز اور 22 ایم پی ایز وزیراعظم سے ملاقات کریں گے۔

اراکین اسمبلی ملاقات میں جہانگیر ترین کے خدشات سامنے رکھیں گے جبکہ جہانگیر ترین آج وزیراعظم سے ہونے والی ملاقات میں شامل نہیں۔

ذرائع کا مزید کہنا ہے ہم خیال گروپ وزیراعظم سے ہونے والی ملاقات کے حوالے سے جہانگیر ترین کو آگاہ کرے گا ۔