Aaj TV News

BR100 4,644 Decreased By ▼ -89 (-1.89%)
BR30 20,295 Decreased By ▼ -45 (-0.22%)
KSE100 45,348 Decreased By ▼ -196 (-0.43%)
KSE30 17,730 Decreased By ▼ -81 (-0.46%)
COVID-19 TOTAL DAILY
CASES 1,269,806 572
DEATHS 28,392 6
Sindh 468,164 Cases
Punjab 439,307 Cases
Balochistan 33,204 Cases
Islamabad 106,749 Cases
KP 177,553 Cases

مکہ مکرمہ :سعودی عرب میں غلاف کعبہ کو تبدیل کرنے کی روح پرور تقریب منعقد ہوئی،غلاف کعبہ کی روح پرور تقریب منعقد ہوئی جس میں درجنوں ماہر کاریگروں نے غلاف کعبہ کو تبدیل کیا ،5گھنٹے سے زائد غلاف کعبہ کی تقریب کو دنیا بھر کے مسلمانوں نے براہ راست دیکھا ۔

ظہوراسلام سےقبل بھی خانہ کعبہ پرغلاف چڑھایا جات تھا،زمانہ جاہلیت کی غلاف کعبہ کی روایت عہد اسلامی میں بھی برقرار رہی،نبی اکرم ﷺ نے القباطی نامی کپڑے سے غلاف کعبہ تیارکروایا تھا،اس طرح اسلامی عہد کا یہ پہلا غلاف کعبہ تھا۔

گزشتہ رات کسوہ فیکٹری سے خصوصی طور پر نیا غلاف کعبہ حرم مکی لایا گیا،ماہرکاریگروں نے پرانے غلاف کعبہ کو احتیاط سے اتارااور خانہ کعبہ کی چھت سے نیا غلاف کو ڈالا گیا،چاروں ٹکڑوں کومربوط کرنے کیلئے انہیں مضبوط دھاگے سے آپس میں جوڑا گیا۔

اس کے بعد غلاف پر ماہرین کی جانب سے آیات قرآنی اور دیگر مقدس کلمات پر مبنی قندلیں زینت بنائی گئیں،نئے غلاف میں 670 کلوگرام خالص ریشم استعمال کیا گیاجس پر 120 کلوگرام سنہری دھاگہ اور 100 کلو گرام چاندی کا دھاگہ استعمال کیا گیا۔

غلاف کعبہ کی تیاری کیلئے قائم کردہ کسوہ کارخانے میں 200 ماہرین اور منتظمین کام کرتے ہیں،ان تمام کا تعلق سعودی عرب سے ہے اور وہ اپنے شعبے کے ماہر اور اعلیٰ تربیت یافتہ ہیں،ایک غلاف 8 ماہ میں مکمل ہوتا ہے۔