Aaj TV News

BR100 4,786 Decreased By ▼ -72 (-1.47%)
BR30 23,283 Decreased By ▼ -583 (-2.44%)
KSE100 45,353 Decreased By ▼ -656 (-1.43%)
KSE30 17,955 Decreased By ▼ -223 (-1.23%)
COVID-19 TOTAL DAILY
CASES 1,230,238 2,333
DEATHS 27,374 47
Sindh 452,267 Cases
Punjab 424,701 Cases
Balochistan 32,796 Cases
Islamabad 104,472 Cases
KP 171,874 Cases

حال ہی میں انکشاف ہوا تھا کہ ہیکرز دنیا بھر میں واٹس ایپ کے دو ارب سے زائد صارفین کے اکاؤنٹس کو بلاک کرکے ان کا نجی ڈیٹا چوری کرنا چاہتے ہیں۔

یعنی خطرہ ہے کہ کسی بھی وقت آپ یا آپ کے دوست احباب میں سے کوئی بھی ہیکنگ کا شکار ہو سکتا ہے۔

خدا ناکواستہ اگر آپ اس مصیبت سے دوچار ہو جاتے ہیں تو جاننا ضروری ہے کہ ان حالات میں کیا کیا جائے۔ ٹیکنالوجی ماہرین نے ہیکنگ سے بچنے کے لیے کچھ تجاویز پیش کیں ہیں، جن پر عمل کرنے سے ہیکرز آپ کا ذاتی ڈیٹا چوری نہیں کرسکیں گے اور آپ کے نجی اکاؤنٹ پر موجود کانٹیکٹس کو نقصان نہیں پہنچا سکیں گے۔

ماہرین کا کہنا ہے کہ اگر آپ کا اکاؤنٹ ہیک ہوجائے تو واٹس ایپ کو [email protected] پر ایک ای میل بھیج کر آگاہ ضرور کریں کہ آپ کا ذاتی اکاؤنٹ ہیک ہو گیا ہے۔ پیغام میں اپنے اکاؤنٹ پر درج فون نمبر کا ذکر کریں۔

اس کے بعد ایپلی کیشن کو ڈیلیٹ کرکے دوبارہ ڈاؤن لوڈ کریں، پھر دوبارہ لاگ ان کرنے کی کوشش کریں اور دن میں کئی بار اس عمل کو دہرائیں تاکہ ہیکرز کو اُلجھایا جا سکے۔ اپنے اکاؤنٹ میں لاگ اِن ہونے کی کوشش کرتے رہیں۔

ایک ٹیکسٹ میسج یا فون کال کے ذریعے دوستوں اور خاندان کے افراد کو بتائیں کہ آپ کا اکاؤنٹ ہیک ہو گیا ہے اور ان سے کہیں کہ وہ آپ کے ہیک کیے گئے اکاؤنٹ سے ملنے والے کسی پیغام کا جواب نہ دیں۔

واٹس ایپ کے "ٹو اسٹیپ ویریفکیشن" فیچر کو لازمی آن کریں۔ ایپلی کیشن کے ڈیٹا فیلڈ میں اپنا ذاتی فون نمبر درج کرکے ڈوئل (Dual) فیچر آن کریں، اگر کوئی فون ہیک کرنے کی کوشش کرے گا تو ایپلی کیشن آپ کو چھ ہندسوں کا کوڈ بھیجے گی، اس طرح آپ کو اندازہ ہوجائے گا کہ کوئی آپ کے فون کو ہیک کرنے اور اسے بلاک کرنے کی کوشش کر رہا ہے۔

خیال رہے کہ واٹس ایپ اکاؤنٹ معطل ہونے کے بعد ایپ اپنے صارفین کو 30 دن دیتی ہے جس میں فائلز اور میڈیا کو ری اسٹور کیا جاسکتا ہے، اس کے بعد یہ ڈیٹا ایپ کے بیک اپ سے مستقل طور پر حذف کر دیا جاتا ہے۔