Aaj TV News

BR100 4,519 Increased By ▲ 22 (0.49%)
BR30 18,277 Decreased By ▼ -62 (-0.34%)
KSE100 44,114 Increased By ▲ 178 (0.41%)
KSE30 17,034 Increased By ▲ 95 (0.56%)
COVID-19 TOTAL DAILY
CASES 1,284,189 303
DEATHS 28,709 5
Sindh 475,248 Cases
Punjab 442,950 Cases
Balochistan 33,479 Cases
Islamabad 107,626 Cases
KP 179,928 Cases

کراچی: پاک بحریہ کے تین ریئر ایڈمرلز کی وائس ایڈمرل کے عہدے پر ترقی دے دی گئی، تینوں افسران کوکمانڈ ،اسٹاف کی اہم ذمہ داریوں کاوسیع تجربہ ہے۔

پاک بحریہ کے ترجمان کی جانب سے جاری بیان میں کہا گیا ہے کہ پاک بحریہ کے 3ریئر ایڈمرلز کی وائس ایڈمرل کے عہدے پر ترقی دے دی گئی ۔

ترقی پانے والوں میں وائس ایڈمرل عمران احمد، وائس ایڈمرل نوید اشرف اور وائس ایڈمرل اویس احمد بلگرامی شامل ہیں۔

ترجمان کا کہنا تھا کہ تینوں افسران کوکمانڈ ،اسٹاف کی اہم ذمہ داریوں کاوسیع تجربہ ہے، وائس ایڈمرل عمران احمد ڈپٹی چیف آف نیول اسٹاف پراجیکٹس تعینات ہیں۔

وائس ایڈمرل نویداشرف اس وقت کمانڈرپاکستان فلیٹ کے عہدے پر جبکہ وائس ایڈمرل اویس احمدبلگرامی کمانڈر کراچی کے عہدے پر تعینات ہیں۔

گزشتہ ماہ ایئر کموڈور محمد اکرام الحق نور کو ائیر وائس مارشل کے عہدے پر ترقی ‏دی گئی تھی ، ائیر وائس مارشل محمد اکرام الحق نور نے فروری 1989 میں پاک فضائیہ کی ایڈمنسٹریشن برانچ ‏میں کمیشن حاصل کیا ،اپنے کیرئیر کے دوران انہوں نے ایک ایڈ منسٹریشن ونگ کی کمانڈ کی۔ ‏

ڈائیریکٹر ایڈمن کے طور پر خدمات سر انجام دینے کے علاوہ انہوں نے ائیر ہیڈ کوارٹرز اسلام آباد ‏میں اسسٹنٹ چیف آف دی ائیر اسٹاف (ایڈمنسٹریشن) کی حیثیت سے بھی خدمات سرانجام دیں،وہ کمانڈ اینڈ اسٹاف کالج چین سے فارغ التحصیل ہیں جبکہ انہیں پاک فضائیہ میں شاندار خدمات کے ‏اعتراف میں ستارہ امتیاز (ملٹری) سے نوازا گیا۔