Aaj TV News

BR100 4,668 Increased By ▲ 50 (1.09%)
BR30 20,892 Increased By ▲ 107 (0.52%)
KSE100 44,822 Increased By ▲ 488 (1.1%)
KSE30 17,521 Increased By ▲ 178 (1.03%)
COVID-19 TOTAL DAILY
CASES 1,263,664 893
DEATHS 28,252 24
Sindh 465,175 Cases
Punjab 437,572 Cases
Balochistan 33,114 Cases
Islamabad 106,402 Cases
KP 176,650 Cases

امریکی پاپ گلوکارہ برٹنی اسپیئرز نے اپنے ایرانی بوائے فرینڈ سیم اصغری سے منگنی کرلی ہے۔

گلوکارہ نے انسٹاگرام پر ایک ویڈیو شئیر کرکے منگنی کا اعلان کیا جس میں وہ اپنی منگنی کی انگوٹھی مداحوں کو دکھا رہی ہیں۔ انہوں نے اپنی خوشی کا اظہار کرتے ہوئے لکھا کہ وہ یقین نہیں کر پارہی ہیں۔

امریکی گلوکارہ برٹنی اسپیئرز کے منگیتر سیم اصغری کا تعلق ایران سے ہے اور وہ 12 سال کی عمر سے امریکا میں مقیم ہیں اور ان دنوں بطور ماڈل، فٹنس ٹرینر اور اداکار کام کررہے ہیں۔

برٹنی اسپیئرز اور سیم اصغری کی دوستی 2016 میں ایک میوزک ویڈیو کی شوٹنگ کے دوران ہوئی جو بعد میں محبت میں بدل گئی۔

برٹنی اسپیئرز کی اس سے قبل دو بار شادی ہوچکی ہے۔ ان کے سابق شوہر ریپر کیون فیڈرلائن سے دو بچے ہیں۔ اس کے علاوہ برٹنی اپنے بچپن کے دوست جیسن الیگزینڈر سے بھی شادی کرچکی ہیں جو صرف 55 گھنٹوں میں ہی ختم ہوگئی تھی۔

امریکی گلوکارہ اس وقت والد کی سرپرستی سے متعلق کیس کا سامنا کر رہی ہیں۔

دو ماہ قبل گلوکارہ کے وکیل نے عدالت میں مؤقف اپنایا تھا کہ ان کی مؤکلا اپنے والد سے خوفزدہ ہیں اور ان کی سرپرستی سے نکلنا چاہتی ہیں۔

13 سال قبل ذہنی صحت اور ممکنہ منشیات کے استعمال کے بارے میں خدشات کی وجہ سے ایک عدالت نے برٹنی کے اثاثوں اور زندگی کا انتظام کنزرویٹر شپ کے تحت ان کے والد کے حوالے کر دیا تھا۔