کسان بھی حکومت کیخلاف سڑکوں پر آنے کیلئے تیار
کسان اتحاد نے 20 دسمبر سے لاہور میں احتجاج کا اعلان کردیا، احتجاجی ٹریکٹر مارچ اسلام آباد جائے گا،مطالبات کی منظوری تک شہر اقتدار میں دھرنا دینگے ۔
اسلام آباد میں پریس کانفرنس کرتے ہوئے کسان اتحاد کے رہنماؤں نےکہا ہے کہ کھاد، بیج،زرعی ادویات کئی گنا مہنگی ہو گئی ہیں ۔
ان کا کہنا تھا کہ کسان خودکشیوں پر مجبور ہورہے ہیں،چوہدری خالد نے کہا کہ سترہ دسمبر کوکوئٹہ میں وزیراعلی بلوچستان سے ملاقات کے بعد 20 دسمبر سے لاہور سے احتجاج شروع کریں گے، ٹریکٹرز مارچ لاہور سے اسلام آباد آئے گا ۔ اور پھر مطالبات کی منظوری تک دھرنا دینگے ۔
صدرکسان اتحاد عمیر چوہدری نے وزیراطلاعات فواد چوہدری پر دروغ گوئی کا الزام لگا دیا ۔
کسان رہنماؤں کا کہنا تھا کہ ہم چیف جسٹس اور آرمی چیف کے پاس بھی جائیں گے لیکن پی ڈی ایم جیسے کسی اتحاد کا حصہ نہیں بنیں گے، جب تک زراعت ترقی نہیں کرے گی ملک ترقی نہیں کر سکتا ۔
Comments are closed on this story.