Aaj News

جمعرات, مارچ 28, 2024  
17 Ramadan 1445  

12 سے 17 سال کی عمر کے 70فیصد طلباء کی ویکسی نیشن مکمل ہوگئی، این سی او سی

اس عمر کے گروپ کے درمیان ملک کی آبادی 11 کروڑ سے ذائد ہیں
شائع 03 مارچ 2022 12:20pm
تشویشناک مریضوں کے ہسپتال میں داخل ہونے کی تعداد بھی 1000 سے نیچے آگئی۔۔۔ فوٹو ڈان
تشویشناک مریضوں کے ہسپتال میں داخل ہونے کی تعداد بھی 1000 سے نیچے آگئی۔۔۔ فوٹو ڈان

نیشنل کمانڈ اینڈ آپریشن سینٹر (این سی او سی) نے کہا کہ 12 سے 17 سال کی عمر کے 70 فیصد طلباء کو مکمل طور پر ویکسین لگائی جا چکی ہے، جو کہ کورونا وائرس وبائی مرض پر قابو پانے کی حکومت کی کوششوں میں ایک بڑی کامیابی ہے۔

میڈیا رپورٹ کے مطابق این سی او سی نے عالمی وبائی امراض کیخلاف حکومت کے ساتھ متحد ہوکر اس کے خاتمے کیلئے انتھک کوششیں کی ہیں۔

تاہم عالمی وبائی مرض کے بارے میں اپنی روزانہ کی اپڈیٹ میں کہا کہ قومی سطح پر کرونا کی شرح میں مثبت کیسز کا تناسب پانچویں لہر سے پہلے سے کم ہوگیا ہے جبکہ نئے کیسز کی ایک ہی دن کی تعداد 1,000 کے نیچے ہے۔

حکومت نے تعلیمی ادارے کھلے رکھنے کے لیے طلبہ میں ویکسینیشن مہم کا آغاز کیا جبکہ اپنے بیان میں کہا کہ 12 سے 17 سال کی عمر کے 70 فیصد طلباء کی مکمل ویکسینیشن ہوگئی ہے۔

این سی او سی نے کہا کہ اس عمر کے گروپ کے درمیان ملک کی آبادی 11 کروڑ سے ذائد ہیں، مزید کہا کہ 86 فیصد طلباء کو کم از کم ایک کورونا ویکسین کی خوراک ملی ہے۔

اس کے علاوہ تشویشناک مریضوں کے ہسپتال میں داخل ہونے کی تعداد بھی 1000 سے نیچے آگئی۔

NCOC

pm imran khan

asad umar

corona

Government of Pakistan

Comments are closed on this story.

تبصرے

تبولا

Taboola ads will show in this div