سندھ اور بلوچستان میں سیلابی صورتحال کے باعث ملک بھر ٹرین آپریشن تاحال معطل ہے۔

ریلوے حکام کے مطابق متاثرہ علاقوں میں ریلوے ٹریکس اور پلوں سے سیلابی پانی اترنے تک ٹرینیں نہیں چلائی جاسکتیں۔

ریلوے ذرائع کے مطابق 28 ٹرینوں کا پہیہ بیک وقت رکنے سے بڑھتے دنوں کے ساتھ ریلوے کا خسارہ 11ارب روپے سے بھی بڑھ گیا ہے۔

جبکہ کراچی سٹی اور کینٹ اسٹیشن مکمل ویران ہوچکے ہیں، دیہاڑی دار اور قلی بھی پریشان ہیں، کراچی سے اندرون ملک سفر کےخواہشمند بھی رل گئے۔

سیلاب کے باعث ٹرینوں کے ساتھ ایسے مزدوروں کی معیشت کا پہیہ بھی رک گیا جن کا روزگار صرف ٹرینوں کی آمدورفت سے وابستہ ہے۔