Aaj News

جمعہ, مارچ 29, 2024  
18 Ramadan 1445  

عمران مذاکرات سے مایوس، جمعہ کو مارچ کی تاریخ دینے کا اعلان

منظم احتجاج کو روکیں گے تو ملک بند ہوجائے گا، عمران خان
اپ ڈیٹ 23 اکتوبر 2022 11:18am
Jumah ko long marchn ki tareekh ka elan karun ga | Imran Khan | Aaj News

سابق وزیراعظم اور چیئرمین پاکستان تحریک انصاف عمران خان کا کہنا ہے کہ جمعہ کے روز لانگ مارچ کی تاریخ کا اعلان کردوں گا۔

اسلام آباد میں اعظم سواتی کے ہمراہ نیوز کانفرنس کرتے ہوئے عمران خان نے کہا کہ انہوں نے لوگوں کو رات میں گھروں میں گھس کر مارا، یہ مافیا ہمیں کرش کرنے کے لئے سب کچھ کرے گا۔

عمران خان نے کہا کہ جرائم پیشہ لوگوں کو ہمارے اوپر مسلط کیا گیا، یہ لوگ مشکل پڑتی ہے تو باہر بھاگ جاتے ہیں، روپیہ گرتا ہے معیشت نیچے جاتی ہے ان کو فرق نہیں پڑتا۔

پی ٹی آئی چیئرمین نے کہا کہ موجودہ حکومت نے آکر میری پارٹی کو کرش کرنے کی کوشش کی، انہوں نے سب کو بتانے کی کوشش کی کہ ہم سے بری حکومت کسی کی نہیں تھی۔

سابق وزیراعظم نے کہا کہ موجودہ حکومت کا خواب پورا نہ ہوا اور عوام ہمارے ساتھ نکل آئی جس سے یہ لوگ خوفزہ ہوگئے، ہم نے احتجاج کیا تو انہوں نے ہم پر ظلم کیا، سیاسی افراد کے ساتھ ایسا ظلم میں نے کبھی نہیں دیکھا۔

عمران خان نے کہا کہ جمعہ کو لانگ مارچ کی تاریخ کا اعلان کردوں گا کیونکہ مجھے یقین ہے کہ حکومت الیکشن کا اعلان نہیں کرے گی، اب لانگ مارچ ہوگا، ہم ایکسپرٹ ہیں، تاریخی مارچ کریں گے جس سے لوگ بھی انجوائے کریں گے۔

اس موقع پر پی ٹی آئی سینیٹر اعظم سواتی نے چیف جسٹس سے پولیس کی حراست میں خود پر ہونے والے تشدد کے خلاف از خود نوٹس لینے کا مطالبہ کردیا۔

اعظم سواتی کا کہنا تھا کہ مجھ پر کسٹوڈیل ٹارچر کیا گیا، 25 مئی کو رینجرز نے ڈی چوک پر تشدد کیا، نام نہاد جمہوری دور میں سینیٹر پر تشد کیا گیا، ان تشدد کرنے والوں کو میں سامنے لاؤں گا۔

imran khan

pti long march

politics Oct 21

Comments are closed on this story.

تبصرے

تبولا

Taboola ads will show in this div