Aaj News

ہفتہ, جون 15, 2024  
08 Dhul-Hijjah 1445  

پنجاب اسمبلی کی تحلیل روکنےکیلئے شہری نے لاہور ہائیکورٹ میں درخواست دائر کردی

پنجاب اسمبلی کی تحلیل سے عمران خان کو فائدہ ہوگا، درخواستگزار
شائع 19 دسمبر 2022 05:25pm
لاہور ہائیکورٹ۔ فوٹو — فائل
لاہور ہائیکورٹ۔ فوٹو — فائل

پنجاب اسمبلی کو تحلیل کرنے سے روکنے کیلئے ایک شہری نے لاہور ہائیکورٹ میں درخواست دائر کر دی۔

عدالت میں دائر کی گئی درخواست میں سابق وزیراعظم عمران خان، وزیراعلیٰ پنجاب پرویز الٰہی، الیکشن کمیشن سمیت دیگر کو فریق بنایا گیا ہے۔

درخواست میں شہری کا کہنا ہے کہ 18 دسمبر کو پرویز الٰہی نے کہا اسمبلی آئینی مدت پوری کرے گی تاہم عمران خان کی ہدایت پر اسمبلی تحلیل کرنا آئین کے خلاف ہے۔

درخواست گزار نے مؤقف اپنایا کہ پنجاب اسمبلی کی تحلیل سے عمران خان کو فائدہ ہوگا جب کہ معاشی صورتحال بھی نئے انتخابات کی متحمل نہیں ہو سکتی۔

واضح رہے کہ گزشتہ دنوں عمران خان نے ایک خطاب میں پنجاب اور خیبرپختونخوا اسمبلیاں 23 دسمبر کو تحلیل کرنے کا اعلان کیا تھا۔

pti

PDM

imran khan

Chaudhry Pervaiz Elahi

Lahore High Court

Punjab Assembly dissolve

Politics Dec19 2022